咚咚、裝修、保險

這網文本應在 2014 年的冬季發表，無奈書債、劇債纏身，拖延至今。





壁咚被選為日本 2014 年度的十大流行語，然而由壁咚開始，洐生了其他各式各樣的咚，有些實在 ...





好友告之木村拓哉惡搞日劇《晝顏》，女巫看畢整段片，發現除壁咚外，尚有肘咚、股咚、地板咚還有頭咚。

http://youtu.be/qgRhhYJVeq8
木村拓哉《晝顏》



除了木村，連《晝顏》的齋藤工也來參一腳，並和木村聯手上演各式咚咚。

http://youtu.be/-bV9F46M3Tg
齋藤工《晝顏》

http://youtu.be/LXVaMJoT_6Q
齋藤工、木村拓哉 《晝顏》



錦户示範的似是跪咚而非床咚，難怪橫山裕笑謂：「壁咚 + 床咚 = 錦咚」，好友卻認為與其說山田涼介示範床咚，倒不如說那似性騷擾多些。

http://youtu.be/9dDWVpX7shk
大倉忠義、錦户亮 ~~ 壁咚、床咚〈？〉

http://youtu.be/T1TBHIVNAzo
山田涼介 ~~ 床咚



中島裕翔示範壁咚、股咚沒啥稀奇，最引人發噱的反而是在開首，那位四眼叔叔示範壁咚，那牆壁差點倒下，有勞現場工作人員在後面支撑。好友評價是男性壁咚男性的必殺技是「力量」。

http://youtu.be/yp6ivSd5g78
中島裕翔  ~~ 壁咚、股咚



二宮和也、有岡大貴、園子温和高橋茂雄示範被男生壁咚，之後二宮示範壁咚男生。

http://youtu.be/FKz3OhAhYJU
二宮和也 ~~ 壁咚


http://youtu.be/8FLY8xeW3Ps
志賀廣太郎 ~~ 壁咚

各咚雲集怎可能沒有志賀叔叔經典的日清杯麵廣告 ?!





看罷日本藝人示範各式咚咚，女巫懷疑木村示範股咚時，膝部應該感痛楚，好友卻指此乃為「藝術犧牲」，小菜一碟而已。

女巫：『錦户亮也做示範，咁啱嘅，佢同齋藤工都係老師。』

好友：『你暗示乜嘢？壁咚係老師強項或專屬？』

女巫：『我只係講事實，齊藤工《晝顏》、錦户亮《對不起青春》、二宮和也《即是弱小也能取勝》，山下智久《近距離戀愛》，就算木村都係用齋藤工喺《晝顏》嘅造型嚟示範啦，個個都係老師。睇嚟今期壁咚、肘咚、股咚、床咚、地板咚的最多／最佳示範人都係老師。』

好友：『我覺得二宮被男人壁咚嘅場面，毫無半點違和感〈悲？〉，相反，點解園子温被壁咚時，要哼《Let it go》？』『我衷心建議若男生要對心儀男性告白，還是避免使用股咚為妙，因為告白時往往心情緊張，難免手忙腳亂，若一時分神，「义」錯腳，瞄錯位，誤傷心儀男性下體，絕其子孫根，對方會誤讀訊息，將「愛你」誤會為「憎你」。初學者，宜慎之，宜多鍛練才付緒實行。』

女巫：『見二宮被男人壁咚無違和感？好簡單啫，即係話喺你潛意識入面，二宮其實係女生嚟嘅〈咦，原來我做埋心理學家。〉。』

女巫：『點解園子温要唱《Let it go》？自己明明係仔，都仲要俾人當女，被壁咚，心情應該悲壯如荊珂刺秦前，上演的一幕 《易水送別》 ~~ 風蕭蕭兮易水寒 ~~，不過佢比荊珂好啲，唔駛 ~~ 壯士一去兮不復還 ~~〈唔駛死，留得青山在那怕無柴燒〉，所以可以從容面對，唔唱《易水送別》改唱《Let it go》，明未？』

女巫：『至於男男用股咚方式告白，你又唔駛咁擔心，反正被告白／被股咚嗰個，已被視為女生，子孫根對假女方應該無乜作用，就算被誤傷，都應該唔會去到憎恨咁嚴重』『當然，男男股咚，如果係箇中老手，眼光準繩，百步穿楊，百發百中就最好啦。』

好友：『俾人狠踏子孫根一腳，痛到欲哭無淚，已經毫無浪漫氣氛可言，倒不如入急症室見靚仔醫生好過。』

女巫：『如果男性被人咚而受傷害，加上對方係塊牛排〈相對於豬排〉，去急症室見吓進

藤醫生〈江口洋介〉或者速水醫生〈西島秀俊〉應該會比較好，話晒兩位都係型、靚醫生。』

女巫：『中島小弟的股咚示範，唔會膝頭痛，不過，應該要買多幾對鞋。』『臨近年尾，大家都鐘意咚咚過新年。』

好友：『日本年近歲晚，裝修師傅供不應求，師傅稱一切都拜咚咚所賜，尤其是股咚，需要修補的牆壁多不勝數，損毁程度不一。師傅期望咚咚熱潮持續至明年，藉此能帶旺不景氣的裝修業。』

女巫：『我諗唔止啲牆壁要修補，木村老師上門向人妻咚咚條片入面，片末人妻親自示範頭咚／門咚，咁睇落，應該維修甚至裝嵌大門嘅師傅都會好忙。分分鍾連啲師傅上門時，都可能會上演壁咚、肘咚、股咚、床咚，至於係咚人抑或被人咚就因人而異啦。〈我係唔係太過份？〉』

好友：『師傅俾人咚？! 咁師傅係唔係要追加服務費？定係佢哋人心惶惶，擔心在光天化日之下被侵害，要求警察哥哥同行作人身保護措施？』

女巫：『其實業界係時候推出應對措施，首先，師傅在接預約時，先要加收服務費。若師傅係被咚者，服務費概不發還，同時，每次只限一種咚，若然超過一種咚，就要再追加服務費。如果師傅無被咚咚，人妻就可獲發還預繳嘅服務費。』

女巫：『另外，咚咚行動不是雨傘運動，傷害性較弱，頂多是強吻，與貞操無涉，唔需要出動到警察哥哥喎。』『由於警方唔會介入、參與，所以呢個就係保安護衞公司嘅商機，保安公司可推出上門保護啲修理牆壁、地板及大門嘅師傳。』

女巫：『若然師傅係處男下海，被人妻咚咚之餘再被強行索吻，可額外追加索吻費。仲有，保險公司都可以分一杯羹，因為保險公司可以為師傅推介「強行索吻」保險。』

好友：『如果唔係人妻，個客係人夫、宅女、宅男、公公、婆婆呢？』

女巫：『其實，對手係人夫、宅女、宅男、公公、婆婆都唔係問題，重點係師傅，因為係佢哋被人咚。當然人夫／宅男／公公嘅告白、咚咚收費稍貴〈我哋假設師傅全部係直男〉，或者對同性較抗拒，所以要收貴啲。』『而宅女／婆婆其實都係女性，按道理，收費同人妻一樣。』

女巫：『但公公／婆婆因為上咗年紀，驚佢哋進行咚咚行動時太激動、興奮，會「整」親又或者誘發心臟病、中風等，所以另加額外服務費用。同樣，保險公司又可加推公公／婆婆因咚咚而誘發的損傷、疾病、意外嘅保險。』

好友：『咁如果係牛排師傅來個逆轉走去咚顧客呢？』

女巫：『又係保險公司嘅商機啦，等侯師傅上門嘅人妻，同樣要買保險保障自己，免受牛排師傅咚咚騷擾。』

女巫：『另外，人妻被咚後，如覺內心受創未能平復，可以揾揾心理醫生恭介〈竹野內豐〉，但倫太郎醫生〈堺雅人〉就未得住，佢四月先返工。』

好友：『嘿嘿，但係如果遇上田口醫生〈伊藤淳史〉，咁就…』

女巫：『如果因心理受創，需要轉介心理輔導，可以選擇醫生，免受田口醫生驚嚇之苦。由於倫太郎醫生暫時未履新，所以唯有辛苦一下恭介醫生。』

好友：『心理創傷係因為俾人咚定係無人咚？ 但，如果心理受創，仲要見田口醫生，會更受打擊，係唔係真係有得揀先？』

女巫 : 『心理創傷係俾人咚，對方係塊牛排師傅，心理醫療服務對象係人妻，所以要揾啲型男、熟男醫生，如恭介醫生或者倫太郎醫生。至於師傅，因為已經預收服務費，正所謂受人錢財替人消災，就算頂級豬排都要啃咗佢，呢啲先至係專業。人妻唔係專業人士，遇上絕世牛排，無法令自己平復，就一定要搵人幫。』

好友：『但係，醫院無理由請田口醫生番嚟齋坐，白人工。田口醫生坐冷板凳都會暗自神傷嗰喎。』

女巫 : 『放心放心，作為有良心嘅僱主，有關方面唔會坐視不理，影響員工身心健康，田口醫生會去俾恭介醫生輔導一次，跟住就會轉行做保安同保險公司代言人，唔駛做坐冷板凳醫生，唔會心理受創。』

好友 : 『點解田口醫生被恭介醫生輔導完後會轉行？點解保安同保險公司要搵田口醫生做代言人？』

女巫 : 『保安同保險公司對被咚者的溫馨提示，如果閣下不想被絕世牛排或頂級豬排咚咚或告白〈旁邊就係田口醫生嘅大頭／半身甚至全身相，悉隨尊便，視乎客户對廣告震撼力的要求〉，就要聘請保安員保護同買保險保障自己。』

女巫：『保安公司嘅廣告口號係 : 〈聘請 xx 公司保安人員，免受牛排/豬排傷害。〉，而保險公司嘅口號係 : 〈人生無常，世事難料，投保 x x 公司咚咚保，一旦意外被排咚，都有份保障，並有轉介心理醫生服務。〉』

女巫 : 『田口醫生被輔導後揾到適合自己，仲可以一展所長〈夠樣衰，成件絕世牛排〉嘅工作，既係唔駛喺度做冷板凳醫生，做代言人分分鐘紅到發紫，賺到盤滿砵滿，仲好過做醫生，佢仲點得閒暗自神傷? 啲病人見唔到佢，應該會快啲康復，你話幾好。』

好友：『果然係 win-win 情況，好！ 你快啲轉行做保險，你簡直係商界奇才，明日之星。』

 

 

〈網上截圖〉